| Peter R. Onedera |
Ma gogo'te i feria, put mås ma tungo' i FESTPAC, kada kuåtro åños entre isla yan nasion siha ginen Maikrunisia, Pålinisia, yan Melanisia ni' kulan pumarehu yan i Olimpik Intetnasiunåt, Huegon Maikrunisia yan Huegon Pasifiku annai ti ma prisesenta milåyan oru, similot osino brånsiha. Mistet, ma fatta ha' åtte, fino' yan kottura siha.
Para u ma prisenta gi i durånten dos simåna na tiempo este siha: kånta, baila, estoria, lålai, fina'tinas nengkanno', nabigasion, egge', linitråtu, åmot tradisiunåt, huegu yan hugeti, tiniffok, åtten inatan, botto, inadotnan tataotao, tatu, linasguen håyu, ramenta, moda, magågon taotao tåno', musikon kontemporåriu, tinige' lepblo, alåhas, fina'tinas hereru, kinahat guma', sinangan, yan enstromenton dåndan siha.
Hagas ma riprisenta Guåhan desdeki ma tutuhon i feria gi iya Fiji gi 1972. Pumalu tåno' siha ni' pumatlinuyi i FESTPAC annai guaha manmåtto ginen Guåhan sumaonao Tahiti, Australia, Cook Islands, Western Samoa, New Caledonia, the Republic of Palau, yan American Samoa. Para u go'te iya Guåhan i feria gi 2016, mina'dos na islan Maikrunisia ni' hagas manatahgue entre Melanisia yan Pålinesia na lugåt siha. I fine'nana gumo'te na isla gi iya Maikrunisia iya Republic of Palau gi 2004.
Båli ma li'e' yan ma eksperensia i FESTPAC nomåsdi un biåhi gi i lina'la'. Guaha kulot yan minagof prisentasion yan kontodu hiningok fino' taotao siha gi uriyan lugåt FESTPAC. Hu hasso i fine'nana na hinanao-hu ni' ma go'te gi iya Cook Islands gi 1992. Ginen inetnon direktot yu' para i Guam CAHA guihi na tiempo annai ha agångi yu' si Tony Lamorena sa' guiya direktot ayu na tiempo.
Hinasso-ku na ginen imahinasion ha' i atte yan kottura ni' annok kontiempo para guåhu gi Ha'ånen Libirasion yan Mes CHamoru na aktebedåt siha. Tiniffok tuhong, guagua', gueha yan guåffak ginen hågon niyok hu lili'e' ha', hinatsan såde' gåni, na'fi'esta yan åmot CHamoru yan lokkue' kånta yan baila ni' chåcha, båtsu yan musikon Españot hu sosodda'. Måtto di lachi yu' astaki hu atendi i feria. Hu fåna' kostumbren otro na taotao tåno' siha entre i isla siha gi iya Pasifiku.
Gi i 1996 na FESTPAC, hu tuge' i skrip Taotao Latte, ayu numa'famao i lalai siha taiguihi Pidåsu Put Pidåsu, Hami Manmaga'håga yan i tinayuyot lålai O Asaina. Mañaonao kåntadot yan kåntadora, bailadot yan bailadora, lålalai siha, hereru siha, åttestan tatu, mantitiffok, yan manlasguen håyu na diligasion. Ti pumosipble sumaonao-hu guihi na feria sa' put i hu tutuhon humotnåt gi iya Unibetsedåt Guåhan ya tåya' libettå-ku para hinanao. Tumaiguihi ha' estao-hu ta'lo gi despues na feria ni' ma go'te gi iya New Caledonia.
En fin, gof maolek i feria ni' ma got'e gi iya Republic of Palau sa' si JLawrence Cruz ni' prisedenten Dipåttamenton Kaohao Guinahan Chamorro ha eppok yu' para bai hu fotma gurupon e'estoria siha para u ma prisenta estorian lihende yan hestorikåt. Mangonne' yu' kåsi un dosena na taotao para ayu. Lao ayu mås na dångkolon finatta ni' ha cho'gue iya Guåhan i hinalom galaide' ni' chine'gue as nabigadot Larry Cunningham yan si Frank Cruz.
På'go na biåhi, ni' para Honiara, Solomon Islands gi mamaila' na tiempon bakasion, duru manma cho'cho' i diligasion Åtten Literåt sa' pumoddong i prisentasion siha ni' para umestoria, modan magågu, huegon tradisiunåt, ferian linitråtu, prodoksion egge', musikon kontemporåriu, yan lepblon tinige' siha ni' para u guaha lokkue' rinikohen tinige' para mismo ginen membron-måmi.
Guåhu dumiririhi bente singko na membro para i Atten Literåt. Mañaonao si Beverly Ann Borja Acfalle, si Dolores "Dee" Aguon, si Julian Hemsing Aguon, si Eric Joseph Borja, si Arlene Salas Diaz, si Ju'ne Sablan Hawkins, si Joseph "Joey" Leon Guerrero, si Ben "Maga'låhi" Mesngon, si Benita Mesngon Lizama, si John Mesngon Lizama, si June Munoz Lizama, si Simeon Manibusan Palomo, si Juanita Toves Peredo, si Annie M. B. Pineda, si Patricia Ann Quichocho, si Emily Guerrero Sablan, si Frances Mary Manibusan Sablan, si Patria Untalan Sablan, si Antonia Masga Salas yan si Julia Henderson Shore.
Kåsi bente mit na taotao manmåfatto guatu gi i feria ya, put i islan Guåhan na para u ma go'te i Ferian 2016 yan put i guiya i isla trångkan Maikrunisia ginen tåno' Åsiha yan Amerika, dumopble na finatton taotao siempre. Esta ha tutuhon i Liheslatura yan i atmenestrasion Maga'låhi Eddie Baza Calvo i planu siha tåtkumu ginen pinasan lai ni' ma apunta si Therese Cruz Arriola, membron i liheslatura, direktot CAHA, GVB yan Dipåttamenton Kaohao Guinahan Chamorro, På'a Taotao Tåno' yan Hurao para i priparasion 2016.
Este na gurupu fumofotma lokkue' i hinanao diligasion para Honiara sa' para ayu na u ma prisenta i banderan pinatlinu gi i hinichom siremoñas guatu gi i ge'hilo' i gurupon Guåhan.
Ma planeneha lokkue' un dångkolon aktebedåt gi Damenggo, diha 24 gi Huño 2012 desdeki oran alas onse gi egga'an asta alas sais gi pupuengi gi iya University of Guam Fieldhouse. Para u ma prisenta nu i siento singkuenta na membron diligasion i håfa para u ma cho'gue gi durånten ayu na ha'åni. Este na prisentasion para u ma ripiti kontåtki cho'cho'-ñiha guatu gi enteru mundo gi i Mina'onse na Ferian Åtten Pasifiku gi iya Honiara, Solomon Islands. Para u ma tutuhon ma bende i tikket siha gi bente pesos para kada taotao på'go na simåna.
Imel Peter R. Onedera giya peteronedera@gmail.com.
English translation:
Culture in harmony with nature at 11th FESTPAC
One hundred and fifty of Guam's artists, crafters and performers are gearing up for their participation as the island's delegation to the 11th Festival of the Pacific Arts in Honiara, Solomon Islands, from July 1-14.The festival, known as FESTPAC, is held every four years and rotates among islands and countries in Micronesia, Polynesia and Melanesia in what is akin to the International Olympic Games, the Micronesian Games and the Pacific Games, where gold, silver and bronze medals are not in contention. Instead it is a showcase of the arts, languages, and cultures.
The two-week event will feature the following genres: songs, dances, storytelling, chants, culinary, navigation, theater, film, traditional medicines, toys and games, weaving, visual arts, sculpture, body ornamentation, tattooing, wood carvings, utilitarian tools, textiles, indigenous fashion, contemporary music, literature, jewelry, blacksmithing, architecture, oratory, photography and musical instrumentation.
Guam has been represented since the inception of the festival that began in Fiji in 1972. Other countries that hosted FESTPAC and for which Guam sent delegations include Tahiti, Australia, Cook Islands, Western Samoa, New Caledonia, the Republic of Palau, and American Samoa.
Guam is slated to host in 2016, the second island in Micronesia to host FESTPAC, which was previously confined to countries in Melanesia or Polynesia. The Republic of Palau was the first in 2004.
FESTPAC is an event worth seeing and experiencing at least once in a lifetime. There is color and pageantry plus the myriad of languages pervading throughout the atmosphere of FESTPAC. I remember the first one that I attended and that was in the Cook Islands in 1992. I was then a board member for the Guam CAHA and I was fortunate to be included upon the invitation of then-Director Tony Lamorena.
I thought that arts and culture were pretty much a figment of my imagination as they only seemed to occur only around Liberation Day and the Chamoru Month festivities. My connection was pretty much the hats, baskets, fans and mats woven from coconut palm fronds, the building of huts, wearing mestisas, fiesta food and Chamoru herbal medicine while songs and dances were the chacha, the båtsu, and Spanish renditions of local ballads. How wrong I was when I attended that festival. It brought me face to face with the attributes of many islands spread throughout the vast Pacific.
In the 1996 FESTPAC, I wrote the script of Taotao Latte, the performance that popularized Pidåsu Put Pidåsu, Hami Manmaga'håga and the prayer chant of O Asaina. Singers, dancers and chanters, blacksmiths, tattoo artists, weavers and wood carvers comprised many of Guam's delegation.
Unfortunately, I did not attend that festival as I had begun my employment at the University of Guam and I did not immediately warrant leave of any sort to attend the festival. My employment status also prevented me from attending the succeeding one that was held in New Caledonia.
However, the Republic of Palau was an event worth remembering as former president of the Department of Chamoru Affairs, JLawrence Cruz urged me to form Guam's official storytelling group to present stories, legends, and history. I brought a dozen people with me. The most notable participation in that FESTPAC was the island's first official entry of its proa, comprised and headed by navigators Larry Cunningham and Frank Cruz.
This time, with Honiara, Solomon Islands looming ahead, the Literary Arts delegation has been working diligently as our presentation is loaded with tasks that include storytelling, fashion pageant, traditional games, a film festival, theatrical productions, contemporary music, and literary publications that will also include a book of anthology with written contributions from our members.
I am in charge of a 25 member delegation for Literary Arts. Members include Beverly Ann Borja Acfalle, Dolores "Dee" Aguon, Julian Hemsing Aguon, Eric Joseph Borja, Arlene Salas Diaz, Ju'ne Sablan Hawkins, Joseph "Joey" Leon Guerrero, Ben "Maga'låhi" Lizama, Benita Mesngon Lizama, John Mesngon Lizama, June Munoz Lizama, Simeon Manibusan Palomo, Juanita Toves Peredo, Annie M. B. Pineda, Patricia Ann Quichocho, Emily Guerrero Sablan, Frances Mary Manibusan Sablan, Patria Untalan Sablan, Antonia Masga Salas and Julia Henderson Shore.
About 20,000 people grace the festival and, because Guam is hosting the event in 2016 and the island being a gateway to Micronesia from throughout Asia and the United States, it is expected that the amount will double. Already the Guam Legislature and the administration of Gov. Eddie Baza Calvo have started the wheels of planning with a law enacted naming such individuals as Therese Cruz Arriola, select members of the Legislature, directors of CAHA, GVB and the Department of Chamorro Affairs, På'a Taotao Tåno' and Hurao spearheading the plans and preparations for 2016.
The same group is helping put together the island's contingent to Honiara as the venue is where the flag of host will be presented at the closing ceremonies to the head delegate of the Guam group.
A huge gala event is being planned for June 24 from 11 a.m. to 6 p.m. at the University of Guam field house. The 150 delegation members will be presenting their repertoire of work throughout the day. This will be the same repertoire that will be presented to the world at the 11th Fesival of the Pacific Arts in Honiara, Solomon Islands. Tickets for $20 per person for the all-day event will be on sale starting this week.
Email Peter R. Onedera at peteronedera@gmail.com.
Source: http://www.guampdn.com/article/20120417/OPINION02/204170315/-1/NLETTER01/Kottura-chumilong-yan-lina-la--uriya-gi-i-mina-onse-na-FESTPAC?source=nletter-news
No comments:
Post a Comment